FAQ: Цаг захиалга

SABA тусламжийн багУнших хугацаа 5 мин

Booking нь мэргэжилтэнтэй уулзах цаг товлох, тоног төхөөрөмж захиалах болон бусад үйлчилгээнд зориулан цаг төлөвлөх хэрэгсэл юм. Та ажилтнуудын боломжит цагийг хянах, хэрэглэгчдэд цаг захиалгын талаар сануулах мэдэгдэл илгээх, мэдээллийг CRM -д хадгалах боломжтой. Энэхүү нийтлэлд цаг захиалгатай холбоотой түгээмэл асуултуудын хариултыг багтаасан болно.

Та дараах нийтлэлээс нэмэлт мэдээлэл авах боломжтой. FAQ: Bitrix24 tools

Энэ нийтлэлд:

Booking ямар ач холбогдолтой вэ?
Resource гэж юу вэ?
Хэрэглэгч хэрхэн цаг захиалах вэ?
Ямар сануулах мэдэгдэл тохируулах боломжтой вэ?
Нэг цагийн интервалд олон хэрэглэгч цаг захиалах боломжтой юу?
Хуваарь дүүрсэн үед хэрэглэгчид хэрхэн цаг захиалах вэ?
Хэрэглэгчид CRM -ээс шууд цаг захиалах боломжтой юу?

Booking ямар ач холбогдолтой вэ?

Booking хэсэг нь хүсэлтийг боловсруулах үйл явцыг автоматжуулахад тусална. Хэрэглэгчид формоор дамжуулан өөрт тохиромжтой цаг, үйлчилгээг сонгох эсвэл ажилтантай холбогдон цаг захиалж, тухайн цагийг хуанлид нэмэх боломжтой. Байгууллага одоогийн хуваарийг хянаж, давхардсан цаг болон сул цаг үүсэхээс сэргийлэх бөгөөд давтагддаг олон дуудлага, бүртгэлийн ачааллыг бууруулна.

Энэхүү хэрэгсэл нь олон төрлийн бизнесийн салбарт тохиромжтой.

Эмнэлгийн төвүүд — эмчийн үзлэг, оношилгоо, эмчилгээний цаг захиалах.
Гоо сайхан— үс засалт, нүүр будалт болон бусад үйлчилгээ захиалах.
Талбай түрээслэх — coworking space, photo studio зэрэг талбайг түрээслэх.
Тоног төхөөрөмж түрээс — автомашин болон тусгай зориулалтын тоног төхөөрөмж түрээслэх.
Зөвлөх үйлчилгээ — хууль эрх зүйн болон бусад зөвлөгөө авах цаг захиалах.

Resource гэж юу вэ?

Resource гэдэг нь үйлчилгээг үзүүлэхэд шаардлагатай мэргэжилтэн, өрөө, тоног төхөөрөмж зэрэг бүх зүйлийг хэлнэ. Resource бүрийн төрөл, хуваарь болон цаг захиалгын үргэлжлэх хугацааг тохируулах боломжтой.

Жишээлбэл, resource нь дараах зүйлс байж болно.

Эмнэлгийн төвд — эмч болон тоног төхөөрөмж бүхий өрөө.
Фитнес клубт — дасгалжуулагч болон дасгалын өрөө.
Авто засварын газарт — засварын талбай, механикч болон өргөгч.
Coworking space — уулзалтын өрөө.
Түрээсийн үйлчилгээнд — автомашин болон бусад тээврийн хэрэгсэл.

Цаг захиалгын хэсэгт нөөц нэмэх

Хэрэглэгч хэрхэн цаг захиалах вэ?

Хэрэглэгчид үйлчилгээг хоёр аргаар цаг захиалах боломжтой.

Ажилтнаар дамжуулан. Хэрэглэгч утсаар залгах эсвэл мессеж бичих үед ажилтан тохиромжтой цагийг сонгон, цаг захиалгыг хуваарьт нэмнэ. Жишээлбэл, эмнэлгийн администратор өвчтөнд эмчийн үзлэгийн цаг товлох эсвэл авто засварын газрын менежер засвар хийх цаг захиалж болно.

CRM формоор дамжуулан. Bitrix24 -д хэрэглэгчид өөрт тохиромжтой цагийг сонгон, үйлчилгээг өөрсдөө захиалах боломжтой формыг тохируулах боломжтой.
CRM формын гурван төрөл байдаг.

Auto-selection — форм нь хамгийн ойрын боломжит цаг болон боломжтой мэргэжилтнийг автоматаар санал болгоно. Үйлчилгээг аль болох хурдан авах нь чухал бөгөөд тодорхой ажилтан сонгох шаардлагагүй үед тохиромжтой. Жишээлбэл, шүд өвдсөн хэрэглэгч тухайн үед ажиллаж байгаа аль ч шүдний эмчид цаг захиалж болно.
Time selection — хэрэглэгч тодорхой огноонд байгаа бүх боломжит цагуудаас өөрт тохиромжтойг сонгоно. Огноо болон цаг чухал үед тохиромжтой. Жишээлбэл, авто засварын газар дугуй солих боломжтой цагийн цагуудыг үйлчлүүлэгчид санал болгож болно.
Specialist selection — үйлчлүүлэгч нь ажилтан, огноо болон цагийг өөрөө сонгоно. Тодорхой мэргэжилтнийг оноож сонгох шаардлагатай үед ашиглана. Жишээлбэл, гоо сайхны салонд үйлчлүүлэгч өөрийн байнга үйлчлүүлдэг үсчинг сонгон цаг захиалж болно.

Цаг захиалгын форм үүсгэх

Ямар сануулах мэдэгдэл тохируулах боломжтой вэ?

Цаг захиалгын хэрэгсэлд хэрэглэгч болон ажилтанд автоматаар сануулах мэдэгдэл илгээх тохиргоог хийх боломжтой.

New booking notification — хэрэглэгч цаг захиалга хийсний дараа огноо, цаг болон үйлчилгээний мэдээллийг агуулсан мессежийг шууд хүлээн авна.
Appointment confirmation — хэрэглэгч цаг захиалга баталгаажуулах холбоос хүлээн авна. Хэрэв хэрэглэгч баталгаажуулаагүй тохиолдолд ажилтанд мэдэгдэл илгээнэ.
Appointment reminder — хэрэглэгч товлосон цагаас тодорхой хугацааны өмнө цаг захиалгын талаар сануулах мэдэгдэл хүлээн авна.
If the client is late — үйлчлүүлэгч хоцорсон тохиолдолд хэрэглэгч болон ажилтанд сануулах мэдэгдэл илгээнэ.

Эдгээр сануулга нь үйлчлүүлэгч товлосон цагтаа ирэхгүй байх тохиолдлыг багасгаж, сул цаг үүсэхээс сэргийлнэ. Мөн ажилтан цагуудыг урьдчилан шалгаж, шуурхай арга хэмжээ авах боломжтой.
Booking: Харилцагчийн мессеж загварууд

Нэг цагийн интервалд олон хэрэглэгч цаг захиалах боломжтой юу?

Цаг захиалгын хэсэгт Overbooking сонголт байдаг бөгөөд энэ нь нэг цагийн интервалд хоёр хэрэглэгч цаг захиалах боломжийг олгоно. Хэрэв тэдгээрийн нэг нь цагаа цуцлах эсвэл өөрчлөх тохиолдолд нөгөө хэрэглэгчийн цаг захиалга хуваарьт хэвээр үлдэнэ. Энэ нь цаг цуцлалт их гардаг үеүдэд тохиромжтой бөгөөд хуваарийг дүүрэн байлгаж, ажилтнуудын ачааллыг тогтвортой байлгах, сул цаг гарах болон хэрэглэгчээ алдах эрсдэлийг бууруулахад тусална.
Үйлчлүүлэгчийн цаг захиалга нэмэх

Хуваарь дүүрсэн үед хэрэглэгчид хэрхэн цаг захиалах вэ?

Хэрэв бүх цагийн интервал захиалагдсан тохиолдолд хэрэглэгчийг waitlist буюу хүлээлгийн жагсаалтад нэмнэ. Хэн нэгэн цаг захиалгаа цуцалсан тохиолдолд ажилтан сул болсон цагийг хүлээлгийн жагсаалтад байгаа хэрэглэгчдэд шууд санал болгох боломжтой. Ингэснээр хуваарьт сул цаг үлдэхээс сэргийлж, хэрэглэгчээ хадгалж үлдэхэд тусална.

Жишээлбэл, фитнес клуб хувийн дасгалжуулалтын цаг захиалгад, эмнэлэг өвчтөний үзлэгийн цаг захиалгад хүлээлгийн жагсаалтыг ашиглаж болно.
Booking: Харилцагчийг хүлээлгийн жагсаалтад нэмэх